Forum Civistas UNTL Fo Ultimatum Joao Cancio

.
Written by CJITL Editor-Wednesday, 02 June 2010-Tradução de ROSÁRIO PEDRUCO

CJITL flash, Forum Civistas Universidade Nasional Timor Lorosa’e – UNTL ne’ebe lidera husi Faustino Cardoso, Dosente UNTL fo ultimatum loron 10 ba Ministru Edukasaun, Joao Cancio Freitas atu hadia lalais estatuto UNTL ne’ebe sabraut tanba universidade ne’e iha nia kompetensia atu maneija.

“Ami fo loron sanulu ba Ministro Joao Cancio atu hadia lalais estatuto universidade ne’e no altera estatuto autonomu ne’ebe iha” hateten porta voz forum, Mateus Boavida ne’e.

Forum ne’e halo nia ejijensia liu husi konferensia ba imprensa, iha fakuldade ciensia politika, kaikoli, Terca feira (1/6).

Hatan ba ejijensia ne’e, Joao Cancio Freitas liu husi konferensia imprensa, terca feira ne’e hateten katak governu sei tau matan duni ba universidade ne’e atu hadia jestaun no estatuto universidade ne’e nian tamba universidade ne’e 95% nia orsamentu mai husi Governu.

UNTL rasik oras ne’e seidauk iha estatuto ne’ebe klaru tamba ne’e mak difikulta estrutura universidade nian, por ezemplu tinan ida resin ona, universidade ne’e laiha Reitor hafoin mandate Benjamin Corte-Real nia mandatu remata.

Tuir fontes konfirmadu ida husi UNTL katak oras ne’e dadaun Conselhu Ministru Aprova ona Reitor foun ba universidade ne’e maibe seidauk hetan promulgasaun husi Prezidente Republika.

Iha kandidatu rua mak aplika ba pozisaun ne’e, ida mak Aurelio Guterres no ida seluk mak Faustino Cardoso.(CJITL)
.