.
CJITL -Written by Thomas Sanches-Friday, 04 June 2010
CJITL Flash, Xefe Suku iha distritu Bobonaro laran tomak ne’ebe partisipa programa konsultasaun ne’ebe organija hosi NGO Nasional Lalenok Ba Ema hotu (LABEH) konaba problema distribusaun fos MTCI, la sastifeitu ho servisu MTCI ne’ebe halo povu iha area rural hakilar hela deit.
“Foin lalais hau ba iha Dili, hau rasik hare ho matan fos iha armazen fomento ne’e laiha maibe iha armazen Xina nian ida iha Meti Aut ne’e nakonu ho fos MTCI no ami ba atu hasai fos lori ba iha ami nia povu maibe sira dehan fos hotu ona” dehan Abel do Santos ne’ebe ukun iha suku Arabau, Sub Distritu Bobonaro.
Abel mos hatutan katak, nia husu ba Gil Alves fos ne’ebe marka MTCI ne’e atu fa’an ba Timor oan sira ou fa’an ba ema Xina sira.
“Husu ba Ministru Gil Alves se laiha kapasidade karik tun tiha lalika obriga an atu ukun tamba ema matenek ne’ebe atu ukun ne’e iha” dehan Abel do Santos.
Nune’e mos ho Xefe suku Ritabou, Maria Soares, nia parte la menta teb-tebes ho hahalok funsionariu MTCI liliu direitor jeral MTCI, Manuela Corte Real ne’ebe sai iha TVTL katak, xefe suku mak sala hela deit.
“Husu ba Manuela Corte Real atu lalika fo sala ba ami xefe suku sira sekuandu lahatene problema ne’ebe mak ami sefe suku sira hasoru, se laiha kapasidade karik tun no ema seluk atu troka.
Iha fatin hanesan sefe suku hosi suku Lahomea, Sub Distritu Balibo, distritu Bobonaro mos husu ba MTCI atu hadia sistema distribusaun fos nian tamba durante ne’e sira tenke lakon tempo to’o semana rua ou tolu hodi hein fos iha Dili.
“Sistema sosa fos MTCI ne’e mak halo ema sai beik hotu nebe husu ba MTCI atu hadia sistema sosa fos no distribusaun fos atu nune’e ami lalika hein to’o fali semana rua ou tolu nia laran maibe fos laiha no ami fila baa mi nia suku povu hakilar nafatin ami” dehan Marcelino. (Thomas Sanches/CJITL)
.
CJITL -Written by Thomas Sanches-Friday, 04 June 2010
CJITL Flash, Xefe Suku iha distritu Bobonaro laran tomak ne’ebe partisipa programa konsultasaun ne’ebe organija hosi NGO Nasional Lalenok Ba Ema hotu (LABEH) konaba problema distribusaun fos MTCI, la sastifeitu ho servisu MTCI ne’ebe halo povu iha area rural hakilar hela deit.
“Foin lalais hau ba iha Dili, hau rasik hare ho matan fos iha armazen fomento ne’e laiha maibe iha armazen Xina nian ida iha Meti Aut ne’e nakonu ho fos MTCI no ami ba atu hasai fos lori ba iha ami nia povu maibe sira dehan fos hotu ona” dehan Abel do Santos ne’ebe ukun iha suku Arabau, Sub Distritu Bobonaro.
Abel mos hatutan katak, nia husu ba Gil Alves fos ne’ebe marka MTCI ne’e atu fa’an ba Timor oan sira ou fa’an ba ema Xina sira.
“Husu ba Ministru Gil Alves se laiha kapasidade karik tun tiha lalika obriga an atu ukun tamba ema matenek ne’ebe atu ukun ne’e iha” dehan Abel do Santos.
Nune’e mos ho Xefe suku Ritabou, Maria Soares, nia parte la menta teb-tebes ho hahalok funsionariu MTCI liliu direitor jeral MTCI, Manuela Corte Real ne’ebe sai iha TVTL katak, xefe suku mak sala hela deit.
“Husu ba Manuela Corte Real atu lalika fo sala ba ami xefe suku sira sekuandu lahatene problema ne’ebe mak ami sefe suku sira hasoru, se laiha kapasidade karik tun no ema seluk atu troka.
Iha fatin hanesan sefe suku hosi suku Lahomea, Sub Distritu Balibo, distritu Bobonaro mos husu ba MTCI atu hadia sistema distribusaun fos nian tamba durante ne’e sira tenke lakon tempo to’o semana rua ou tolu hodi hein fos iha Dili.
“Sistema sosa fos MTCI ne’e mak halo ema sai beik hotu nebe husu ba MTCI atu hadia sistema sosa fos no distribusaun fos atu nune’e ami lalika hein to’o fali semana rua ou tolu nia laran maibe fos laiha no ami fila baa mi nia suku povu hakilar nafatin ami” dehan Marcelino. (Thomas Sanches/CJITL)
.
0 comentários:
Enviar um comentário