.
Written by Domingos da Silva-Friday, 07 May 2010
Kompania Woodside ne’ebe oras ne’e dadaun atu lidera esplorasaun ba kampu mina no gas iha Greater Sunrise ohin to’o iha Dili atu halo negosiasaun ho estado Timor Leste, iha okaziaun ne’e, Fretilin mak hetan fatin ba dala uluk hodi fo bemvindo ba kompania ne’e iha Sekretariu Jeral, Mari’i Alkatiri nia rezidensia iha Farol, Dili, Kinta feira horseik.
Delegasaun Woodside ne’e rasik, bainhira to’o iha aeroportu horseik hetan protesta husi demonstrante lubuk ida ne’ebe lidera husi Vicente Maubossy.
Iha Aeroportu, Demonstrante sira konsege hato’o sira nia ezizensia ba Woodside no hetan resposta diak hodi ikus mai demonstrante sira fo fatin ba Direitor Woodsidem Don Voelte ho nia delegasaun bele sai husi Aeroportu bele tama mai sidade laran.
Bainhira husik hela Aeroportu delegasaun ho Aviaun Airnorth ne’e hala’o kedan nia vizita ba Rezidensia Alkatiri hodi hahu reuniaun dahuluk.
Hafoin reuniaun ne’e, Alkaitiri haktuir ba jornalista sira katak, “Iha Timor-Leste iha konsensu dada kadoras mai” No ba governu tenke buka negosiasaun ho seriu, labele taka odomatan.”
Woodside Nia Direitur Ho Fretilin Nia Bo'otDelegasaun ne’e husi nivel a’as liu, kompostu husi Xefe Executivo Woodside Energy Ltd nian, Don Voelte, no ezekutivo bo’ot Husi Conoco Phillips, Shell no Osaka Gas, neebe mos parseirus iha kampu Greater Sunrise.
“Nudar eis-governante ne’ebe uluk xefia negosiasaun Tasi Timor nian too 2006, ne’ebe hetan resultadu no benefisiu boot ba ita nia Povo, hau hatene saida mak ita tenke halo iha prosesu negosiasaun ho assuntu seriu no importante hanesan assuntu ida nee” hateten Aktiri’i ba jornalistas hafoin enkontro.
“Hau hatene katak ita presiza halo dialogo bebeik atu lao ba oin, ita labele mihi katak se ita halo konfrontasionalismu deit entaun ita bele dudu ka dada ema atu tuir ita nia hanoin. Liliu ita lalika halo konfrontasionalismu baratu iha media, hanesan ita akompanha husi governu de factu iha semana hirak liu ba, tamba nunee ita sei la hetan resultadu neebe ita buka,” deklara Alkatiri.
Kompanhia Woodside no sira nia Joint Venture deklara iha media internasional katak sira prefere atu halau prosesamentu ba gas husi kampu Greater Sunrise iha “plataforma flotuante”, ne’ebe prosesa iha tasi leten no la lori mai Timor-Leste ka ba Australia.
Direitur Woodside rasik, iha oportunidade hanesan ba jornalista sira hateten katak nia respeitu tebes ho desizaun estado Timor nian, maibe ida ne’e mak opsaun ne’e Woodside hamutuk iha joint venture bele fo hanesan alternativa ida hodi lori ba negosiasaun esplorasaun nian. (Domingos/*/CJITL)
.
Written by Domingos da Silva-Friday, 07 May 2010
Kompania Woodside ne’ebe oras ne’e dadaun atu lidera esplorasaun ba kampu mina no gas iha Greater Sunrise ohin to’o iha Dili atu halo negosiasaun ho estado Timor Leste, iha okaziaun ne’e, Fretilin mak hetan fatin ba dala uluk hodi fo bemvindo ba kompania ne’e iha Sekretariu Jeral, Mari’i Alkatiri nia rezidensia iha Farol, Dili, Kinta feira horseik.
Delegasaun Woodside ne’e rasik, bainhira to’o iha aeroportu horseik hetan protesta husi demonstrante lubuk ida ne’ebe lidera husi Vicente Maubossy.
Iha Aeroportu, Demonstrante sira konsege hato’o sira nia ezizensia ba Woodside no hetan resposta diak hodi ikus mai demonstrante sira fo fatin ba Direitor Woodsidem Don Voelte ho nia delegasaun bele sai husi Aeroportu bele tama mai sidade laran.
Bainhira husik hela Aeroportu delegasaun ho Aviaun Airnorth ne’e hala’o kedan nia vizita ba Rezidensia Alkatiri hodi hahu reuniaun dahuluk.
Hafoin reuniaun ne’e, Alkaitiri haktuir ba jornalista sira katak, “Iha Timor-Leste iha konsensu dada kadoras mai” No ba governu tenke buka negosiasaun ho seriu, labele taka odomatan.”
Woodside Nia Direitur Ho Fretilin Nia Bo'otDelegasaun ne’e husi nivel a’as liu, kompostu husi Xefe Executivo Woodside Energy Ltd nian, Don Voelte, no ezekutivo bo’ot Husi Conoco Phillips, Shell no Osaka Gas, neebe mos parseirus iha kampu Greater Sunrise.
“Nudar eis-governante ne’ebe uluk xefia negosiasaun Tasi Timor nian too 2006, ne’ebe hetan resultadu no benefisiu boot ba ita nia Povo, hau hatene saida mak ita tenke halo iha prosesu negosiasaun ho assuntu seriu no importante hanesan assuntu ida nee” hateten Aktiri’i ba jornalistas hafoin enkontro.
“Hau hatene katak ita presiza halo dialogo bebeik atu lao ba oin, ita labele mihi katak se ita halo konfrontasionalismu deit entaun ita bele dudu ka dada ema atu tuir ita nia hanoin. Liliu ita lalika halo konfrontasionalismu baratu iha media, hanesan ita akompanha husi governu de factu iha semana hirak liu ba, tamba nunee ita sei la hetan resultadu neebe ita buka,” deklara Alkatiri.
Kompanhia Woodside no sira nia Joint Venture deklara iha media internasional katak sira prefere atu halau prosesamentu ba gas husi kampu Greater Sunrise iha “plataforma flotuante”, ne’ebe prosesa iha tasi leten no la lori mai Timor-Leste ka ba Australia.
Direitur Woodside rasik, iha oportunidade hanesan ba jornalista sira hateten katak nia respeitu tebes ho desizaun estado Timor nian, maibe ida ne’e mak opsaun ne’e Woodside hamutuk iha joint venture bele fo hanesan alternativa ida hodi lori ba negosiasaun esplorasaun nian. (Domingos/*/CJITL)
.
0 comentários:
Enviar um comentário