.
TIMOR EXPOSE-Monday,May 24th,2010
Dili-Sekretariu Jeral (Sekjer) FRETILIN, Marí Bin Amude Alkatiri hateten, atu dezenvolve nasaun no povu ne’e ba oin presiza duni planu ne’ebe di’ak, hanesan PM Xanana halao dadauk konsultasaun Planu Estratejia Dezenvolvimentu Nasional (PEDN) ba Distritus no Sub-Distritu sira.
Maibe Sekjer FRETILIN ne’e afirma, inkuantu PEDN ne’e seidauk diskuti hamutuk maka nia parte seidauk bele fo apoiu planu ne’e konkretu.
“Hau hanoin ita presiza duni planu ida atu hateke ba oin,” hateten Marí Alkatiri ba Jornalista sira hafoin partisipa serimonia aniversariu independensia Timor Leste ba dala 8, Sexta (20/05), iha Palacio Prezidensial, Nicolau Lobato, Dili.
Marí Alkatiri rekoinese katak, atu liberta povu sei la lori tinan badak, tamba atu kore povu husi dependensia, ki’ak, ne’e servisu ida ke presiza halao ho programa, planu no gestaun ida ke di’ak, maibe ne’e servisu ida ke halao tenki ho partisipasaun povu nian duni.
Marí Alkatiri hateten programa dezenvolvimentu mak agora ne’e Governu aktual halao hela ne’e sei ba emergensia nian de’it, tamba ne’e presiza duni planu ida ke iha vizaun ba futuru.
Hatan ba Jornalista sira kona ba siknifikasaun restaurasaun independensia ba tinan 8 ne’e, lider diplomata koinesidu durante okupasaun kolonial afirma, timor-oan tomak tenki hanoin oin sa mak bele konsolida hametin liu tan patriotizmu.
“Ita hot-hotu liliu Joven sira tenki koinese historia tamba sakrifisiu barak mak ema barak halo, atus ba atus, rihun ba rihun. Tamba ne’e to’o tempu ona atu halibur ita nia kbi’it tomak para hateke ba oin,” sublinha Marí Alkatiri.
Lider opozisaun ne’e tenik, povu Timor Leste ba oras ne’e sente dadauk ona rejultadu luta, terus, lakon familia, ran fakar, ruin naklekar ba libertasaun nasional, maibe Estadu presiza kumpri tan dever barak atu hadiak liu tan povu nia moris.(TE)
.
TIMOR EXPOSE-Monday,May 24th,2010
Dili-Sekretariu Jeral (Sekjer) FRETILIN, Marí Bin Amude Alkatiri hateten, atu dezenvolve nasaun no povu ne’e ba oin presiza duni planu ne’ebe di’ak, hanesan PM Xanana halao dadauk konsultasaun Planu Estratejia Dezenvolvimentu Nasional (PEDN) ba Distritus no Sub-Distritu sira.
Maibe Sekjer FRETILIN ne’e afirma, inkuantu PEDN ne’e seidauk diskuti hamutuk maka nia parte seidauk bele fo apoiu planu ne’e konkretu.
“Hau hanoin ita presiza duni planu ida atu hateke ba oin,” hateten Marí Alkatiri ba Jornalista sira hafoin partisipa serimonia aniversariu independensia Timor Leste ba dala 8, Sexta (20/05), iha Palacio Prezidensial, Nicolau Lobato, Dili.
Marí Alkatiri rekoinese katak, atu liberta povu sei la lori tinan badak, tamba atu kore povu husi dependensia, ki’ak, ne’e servisu ida ke presiza halao ho programa, planu no gestaun ida ke di’ak, maibe ne’e servisu ida ke halao tenki ho partisipasaun povu nian duni.
Marí Alkatiri hateten programa dezenvolvimentu mak agora ne’e Governu aktual halao hela ne’e sei ba emergensia nian de’it, tamba ne’e presiza duni planu ida ke iha vizaun ba futuru.
Hatan ba Jornalista sira kona ba siknifikasaun restaurasaun independensia ba tinan 8 ne’e, lider diplomata koinesidu durante okupasaun kolonial afirma, timor-oan tomak tenki hanoin oin sa mak bele konsolida hametin liu tan patriotizmu.
“Ita hot-hotu liliu Joven sira tenki koinese historia tamba sakrifisiu barak mak ema barak halo, atus ba atus, rihun ba rihun. Tamba ne’e to’o tempu ona atu halibur ita nia kbi’it tomak para hateke ba oin,” sublinha Marí Alkatiri.
Lider opozisaun ne’e tenik, povu Timor Leste ba oras ne’e sente dadauk ona rejultadu luta, terus, lakon familia, ran fakar, ruin naklekar ba libertasaun nasional, maibe Estadu presiza kumpri tan dever barak atu hadiak liu tan povu nia moris.(TE)
.
0 comentários:
Enviar um comentário