.
TIMOR EXPOSE-Tuesday, May 25th, 2010
Dili-Bankada FRETILIN iha uma fukun Parlamentu Nasional (PN) ‘dere’ no hein hela bainhira mak odamatan konsensus bloku Aliansa Maioria Parlamentar (AMP) nakloke atu hot-hotu tau hanoin hamutuk ba Planu Estratejia Dezenvolvimentu Nasional (PEDN), ne’ebe oras ne’e Primeriu Ministru (PM), Xanana Gusmão halao dadaun konsultasaun haleu teritoriu tomak.
FRETILIN liu husi deputadu José Texeira no Estanislau Alixo da Silva, Tersa (25/05), iha plenaria PN husu atu bloku AMP tau konsensus nasaional ba kestaun nasional.
Lider bankada FRETILIN rua ne’e ho lian maka’as mos husu PM Xanana Gusmão labele arogansia hodi mes-mesak trasa PEDN no tu’un ba halo konsultasaun i tamba garante maioria obriga Parlamentu Nasional aprova.
Iha okajiaun, deputadu FRETILIN Antonino Bianco reforsa liu tan nia kolega nain rua katak, konsensus importante ba PEDN tamba ne’e kestaun nasional, tuir nia la’os tempu ona ema ida mak koalia seluk halo tuir de’it.
Maske nune’e, deputadu Rui Menezes husi bankada Demokratiku (PD)hateten, nia konkorda atu iha konsensus ba PEDN, maibe tuir nia konsensus la’os iha dalan ninin maibe fatin mak Parlamentu Nasional ona.
Tamba ne’e, deputadu Rui husu atu FRETILIN labele halo kampania politika tu’un sae kona ba konsensus hodi halo konfujaun publiku, tamba konsensu nia fatin klaru ona demokratiku tebes iha Parlamentu.(TE)
.
TIMOR EXPOSE-Tuesday, May 25th, 2010
Dili-Bankada FRETILIN iha uma fukun Parlamentu Nasional (PN) ‘dere’ no hein hela bainhira mak odamatan konsensus bloku Aliansa Maioria Parlamentar (AMP) nakloke atu hot-hotu tau hanoin hamutuk ba Planu Estratejia Dezenvolvimentu Nasional (PEDN), ne’ebe oras ne’e Primeriu Ministru (PM), Xanana Gusmão halao dadaun konsultasaun haleu teritoriu tomak.
FRETILIN liu husi deputadu José Texeira no Estanislau Alixo da Silva, Tersa (25/05), iha plenaria PN husu atu bloku AMP tau konsensus nasaional ba kestaun nasional.
Lider bankada FRETILIN rua ne’e ho lian maka’as mos husu PM Xanana Gusmão labele arogansia hodi mes-mesak trasa PEDN no tu’un ba halo konsultasaun i tamba garante maioria obriga Parlamentu Nasional aprova.
Iha okajiaun, deputadu FRETILIN Antonino Bianco reforsa liu tan nia kolega nain rua katak, konsensus importante ba PEDN tamba ne’e kestaun nasional, tuir nia la’os tempu ona ema ida mak koalia seluk halo tuir de’it.
Maske nune’e, deputadu Rui Menezes husi bankada Demokratiku (PD)hateten, nia konkorda atu iha konsensus ba PEDN, maibe tuir nia konsensus la’os iha dalan ninin maibe fatin mak Parlamentu Nasional ona.
Tamba ne’e, deputadu Rui husu atu FRETILIN labele halo kampania politika tu’un sae kona ba konsensus hodi halo konfujaun publiku, tamba konsensu nia fatin klaru ona demokratiku tebes iha Parlamentu.(TE)
.
0 comentários:
Enviar um comentário