Written by Atay Alves - Monday, 12 April 2010
CJITL flash, Relasiona ho konflitu entre arte marsiais iha Distritu Baucau ne’ebe halo populasaun moris ladun hakmatek, Uniaun Universitariu Baucau husu ba Polisia Nasional Timor Leste (PNTL) no United Nation Police (UNPOL) atu rezolve lalais konflitu ne’ebe mosu.
Liu husi konferensia imprensa kuarta feira foin lalais ne’e, Xefe Uniaun Universitariu Baucau, Afonso Casiano Ramos hateten PNTL no UNPOL tenki kria lalais fila fali stabilidade ba povu iha area ne’eba.
Deklarasaun ne’e hato’o relasiona ho konflitu entre grupo artemarsias Kera Sakti no Setia Hati Teratai iha fulan kotuk ne’ebe konsege fo implika ba prosesu aprendijazen (Ujian Catru Wulan Pertama) iha Eskola Sekundaria Numeru 1 Baucau.
Estudante Universitairu hirak ne’e ejiji ba komandante PNTL Distritu Baucau atu rezolve lalais konflitu ne’ebe iha.
Afonso Ramos mos husu kontribuisaun husi populasaun distritu Baucau liu-liu sira ne’ebe involve iha grupo artemarsiais ne’e atu garante estabilidade iha rai ne’ebe identiku rai KULUGISA ne’e.
Kazu asaltu malu grupo artemarsiais iha Suku Seisal, Sub Distritu Laga, Distritu Baucau ne’e hatama tiha ona ba Ministeriu Publiku hodi halo prosesa tuir lei.
Husi parte PNTL Baucau kaer tiha ona ema nain hat husi suspeitu ba kazu ne’ebe refere no agora iha hela prosesu investigasaun, no hein hela notifikasaun husi tribunal atu ba iha prosesu julgamentu.
Husi suspeitu nain hat ne’e, ema nain 3 mai husi grupo PSHT no nain 1 husi Kera Sakti (KS).
Kazu asaltu malu entre grupo artemarsiais hirak ne’e la’os foin mak akontese maibe tinan-tinan sempre iha hela deit. (*/Atay/CJITL)
.
CJITL flash, Relasiona ho konflitu entre arte marsiais iha Distritu Baucau ne’ebe halo populasaun moris ladun hakmatek, Uniaun Universitariu Baucau husu ba Polisia Nasional Timor Leste (PNTL) no United Nation Police (UNPOL) atu rezolve lalais konflitu ne’ebe mosu.
Liu husi konferensia imprensa kuarta feira foin lalais ne’e, Xefe Uniaun Universitariu Baucau, Afonso Casiano Ramos hateten PNTL no UNPOL tenki kria lalais fila fali stabilidade ba povu iha area ne’eba.
Deklarasaun ne’e hato’o relasiona ho konflitu entre grupo artemarsias Kera Sakti no Setia Hati Teratai iha fulan kotuk ne’ebe konsege fo implika ba prosesu aprendijazen (Ujian Catru Wulan Pertama) iha Eskola Sekundaria Numeru 1 Baucau.
Estudante Universitairu hirak ne’e ejiji ba komandante PNTL Distritu Baucau atu rezolve lalais konflitu ne’ebe iha.
Afonso Ramos mos husu kontribuisaun husi populasaun distritu Baucau liu-liu sira ne’ebe involve iha grupo artemarsiais ne’e atu garante estabilidade iha rai ne’ebe identiku rai KULUGISA ne’e.
Kazu asaltu malu grupo artemarsiais iha Suku Seisal, Sub Distritu Laga, Distritu Baucau ne’e hatama tiha ona ba Ministeriu Publiku hodi halo prosesa tuir lei.
Husi parte PNTL Baucau kaer tiha ona ema nain hat husi suspeitu ba kazu ne’ebe refere no agora iha hela prosesu investigasaun, no hein hela notifikasaun husi tribunal atu ba iha prosesu julgamentu.
Husi suspeitu nain hat ne’e, ema nain 3 mai husi grupo PSHT no nain 1 husi Kera Sakti (KS).
Kazu asaltu malu entre grupo artemarsiais hirak ne’e la’os foin mak akontese maibe tinan-tinan sempre iha hela deit. (*/Atay/CJITL)
.
0 comentários:
Enviar um comentário