Timor Telecom Konfirma “Prontu” Kompete Ho Kompania Husi Ne’ebe Deit

.

Foto CJITL

Written by Calisto da Costa-Monday, 19 April 2010

CJITL flash,Timor Telkom – TT konfirma ona katak pronto atu kompete ho kompania seluk ne’ebe atu mai kompete ho sira hafoin Governu Timor Leste liu husi enkontro Konselhu Ministrus iha loron 31 Marcu 2010 liu ba aprova lei liberalizasaun hodi hapara monopoliu Timor Telecom.

Administrador Delegado TT iha Timor Leste, Manuel Caleres da Costa iha nia servisu fatin, Hotel Timor ohin 15/04 ba CJITL hateten katak TT pronto ona atu kompete ho kompania ne’ebe hakarak investe.

Nia esklarese katak durante ne’e,Timor Telekom servisu tuir kontratu ne’ebe estadu TL halo ho Timor telekom liu husi primeriu governu kontitusional, maske kontratu ne’e limita ona sira nia vida maibe TT pronto atu compete ho se mak atu mai.

“Ami nia klientes nebe mak kaer telemovel, uza servisus moves iha Timor, husi 2002 to’o 2010 ne’e hamutuk 380.000 klientes tamba ne’e ami pronto nafatin atu servi sira diak liu tan” Caleres hateten.

Nia hatutan katak Progresu TT nian ida mak agora TT lansa tiha ona telom lansa ona teknologia foun ho naran 3G ne’ebe klientes sira bele uja deit internet liu husi USB.
Oras ne’e dadaun, kompania DIGICEL hahu dadaun ona preparasaun hodi compete ho TT.

Semana ida liu ba, Reporter CJITL tenta atu halo intervista ho jerente DIGICEL iha Timor Leste, maibe resepsionista ida iha DIGICEL nian hateten katak sira okupado hela, depois mak telefone fali CJITL atu ba intervista, maibe to’o semana ida ona laiha telefone. (Calisto/CJITL )
.