.
Written by Thomas Sanches-Thursday, 22 April 2010
CJITL flash, Reprezentante iha uma fukun Parlamentu Nasional husu ba governu liu-liu Sekretariu Estadu Rekursu Naturais atu kontrola riku soin Timor Leste tamba durante ne’e ema estranjeirus sempre lori sai rikeja rai ne’e liu husi fronteira, Batugade, Maliana, Timor Leste.
“Riku Soin hanesan fatuk no rai henek sira ne’ebe ema husi estranjerus sira foti no tula lori sai ba Fronteira ne’eba maibe Governu nunka hola medidas ruma hasoru ba realidade ida nee, labele matan delek ba buat sira hanesan ne'e”, dehan Jose Texeira, deputadu opozisaun Fretilin iha PN foin lalais ne’e.
Tuir eis Ministru Rekursu Naturais ne’e katak governu presiza kontrola riku soin iha nasaunn ida ne’e tanba rekurusu ne’e sensivel liu hanesan rai enek no fatuk sira.
Deputadu ne’e mos husu ba Sekretairu Estadu atual atu kria lalais lei bazika konaba rekursu naturais atu nune’e bele regula oinsa jere rekursu hirak ne’e.
“Hau uluk hanesan Sekretariu Estado Rekursus Naturais hau halo tiha ona esforsu, osan miliar gastu ona maibe seidauk iha lei bazika ruma ka seidauk iha politika ruma konaba jestaun rekursus naturais ninian” dehan Texeira.
Nia dehan governu Timor Leste la’os defende deit rekursu minarai maibe persiza mos kontrola rekursu natarais seluk hanesan fatuk, Osan Mean, Magnesia, Rai Enek no seluk tan ne’ebe iha folin ba dezenvolvimentu nasional.
Tamba, sei karik laiha kontrolasaun ne’ebe maximu bele estraga ambiente iha rai laran.
“Ita ba ke’e foho tomak ida atu hasai fatuk ne’e ita tenki hatene atu halo nusa, ita tenki iha mos programa ida atu realiza fali ambiente”, tenik nia. “Ba hau ne’e ita tenki kuidadu atu hare’e didiak”.
Membru Parlamentu Nasional husi bloku Aliansa Maioria Parlamentar mos konkorda ho hanoin ka politika husi opozisaun Fretilin nian.
Deputadu Partidu Demokrata (PD), Vital dos Santos ejiji mos Sekretariu Estado, Alfredo Pires hodi halo planu kontrolasaun maximu ba rekursu Timor nian.
“Rekursu presiza iha kontrolasaun”, dehan Vital.
Maibe deputado Manuel Tilman, husi bankada Klibur Oan Timor Asuwain (KOTA) konfuzaun ho hanoin ka kritika husi Vital dos Santos ne’ebe husu Alfredo Pires atu toma medidas ba ema estranjeiru sira ne’ebe foti rai enek no fatuk iha fronteira.
Tanba tuir nia katak sira mesak governu hotu maibe sempre fase malu iha Parlamentu Nasional konaba sira nia failansu rasik.
“Hau la kompriende sira PD Governu ne’eba ne’e koalia ho Primeru Ministru ka lae, koalia ho Rekursus Minarai sira ka lae tamba sira Governu divia sira ba koalia uluk ho Governu depois mak atende mai la’os atu mai fali Parlamentu atu husu fali ba Governu”, dehan Tilman.
Nia mos dehan maske ita seidauk esplora ita nia riku soin maibe persiza iha protesaun tanba rekursu iha fatin balun ema estrangeirus foti ona rekursu hanesan fatuk no rai henek.
“Hau mos rekuinese katak fatuk balun la’o liu duni husi Saburai iha los Fronteira iha Maliana Vila ninian Suku mais difisil atu ba to’o iha ne’eba tamba besik liu Atambua”, katak Tilman.(Thomas/CJITL)
.
Written by Thomas Sanches-Thursday, 22 April 2010
CJITL flash, Reprezentante iha uma fukun Parlamentu Nasional husu ba governu liu-liu Sekretariu Estadu Rekursu Naturais atu kontrola riku soin Timor Leste tamba durante ne’e ema estranjeirus sempre lori sai rikeja rai ne’e liu husi fronteira, Batugade, Maliana, Timor Leste.
“Riku Soin hanesan fatuk no rai henek sira ne’ebe ema husi estranjerus sira foti no tula lori sai ba Fronteira ne’eba maibe Governu nunka hola medidas ruma hasoru ba realidade ida nee, labele matan delek ba buat sira hanesan ne'e”, dehan Jose Texeira, deputadu opozisaun Fretilin iha PN foin lalais ne’e.
Tuir eis Ministru Rekursu Naturais ne’e katak governu presiza kontrola riku soin iha nasaunn ida ne’e tanba rekurusu ne’e sensivel liu hanesan rai enek no fatuk sira.
Deputadu ne’e mos husu ba Sekretairu Estadu atual atu kria lalais lei bazika konaba rekursu naturais atu nune’e bele regula oinsa jere rekursu hirak ne’e.
“Hau uluk hanesan Sekretariu Estado Rekursus Naturais hau halo tiha ona esforsu, osan miliar gastu ona maibe seidauk iha lei bazika ruma ka seidauk iha politika ruma konaba jestaun rekursus naturais ninian” dehan Texeira.
Nia dehan governu Timor Leste la’os defende deit rekursu minarai maibe persiza mos kontrola rekursu natarais seluk hanesan fatuk, Osan Mean, Magnesia, Rai Enek no seluk tan ne’ebe iha folin ba dezenvolvimentu nasional.
Tamba, sei karik laiha kontrolasaun ne’ebe maximu bele estraga ambiente iha rai laran.
“Ita ba ke’e foho tomak ida atu hasai fatuk ne’e ita tenki hatene atu halo nusa, ita tenki iha mos programa ida atu realiza fali ambiente”, tenik nia. “Ba hau ne’e ita tenki kuidadu atu hare’e didiak”.
Membru Parlamentu Nasional husi bloku Aliansa Maioria Parlamentar mos konkorda ho hanoin ka politika husi opozisaun Fretilin nian.
Deputadu Partidu Demokrata (PD), Vital dos Santos ejiji mos Sekretariu Estado, Alfredo Pires hodi halo planu kontrolasaun maximu ba rekursu Timor nian.
“Rekursu presiza iha kontrolasaun”, dehan Vital.
Maibe deputado Manuel Tilman, husi bankada Klibur Oan Timor Asuwain (KOTA) konfuzaun ho hanoin ka kritika husi Vital dos Santos ne’ebe husu Alfredo Pires atu toma medidas ba ema estranjeiru sira ne’ebe foti rai enek no fatuk iha fronteira.
Tanba tuir nia katak sira mesak governu hotu maibe sempre fase malu iha Parlamentu Nasional konaba sira nia failansu rasik.
“Hau la kompriende sira PD Governu ne’eba ne’e koalia ho Primeru Ministru ka lae, koalia ho Rekursus Minarai sira ka lae tamba sira Governu divia sira ba koalia uluk ho Governu depois mak atende mai la’os atu mai fali Parlamentu atu husu fali ba Governu”, dehan Tilman.
Nia mos dehan maske ita seidauk esplora ita nia riku soin maibe persiza iha protesaun tanba rekursu iha fatin balun ema estrangeirus foti ona rekursu hanesan fatuk no rai henek.
“Hau mos rekuinese katak fatuk balun la’o liu duni husi Saburai iha los Fronteira iha Maliana Vila ninian Suku mais difisil atu ba to’o iha ne’eba tamba besik liu Atambua”, katak Tilman.(Thomas/CJITL)
.
0 comentários:
Enviar um comentário