Written by Mariano Martins - Thursday, 01 April 2010
CJITL Flash, Komunidade Distritu Ermera kompostu husi Suku Ponilala, Lisapat, Fatubuo no Hatulia Tersa Feira 30/3 ne’e hakat ba uma fukun Parlamentu Nasional - PN hodi kesar Sekretariu Estadu Politika Enerjetika (SEPE) Avelino Coelho ne’ebe diskonfia abuzo de poder iha prosesu fahe solar Panel no hodi hala’o kobransa ilegal.
“Ami hakarak hatene solar panel ne’e governu nian ka PST – Partidu Sosialista Timor nian, tamba sa prosesu fahe solar panel ne’e la liu husi autorizasaun lokal sira maibe tenki intrega tomak ba koordenator PST” reprezentante massa, Antonio Santos lamenta iha PN.
Antonio mos la satisfas ho kobransa ne’ebe hala’o ba komunidade sira iha fatin refere wainhira atu fahe solar panel tamba nia hakarak hatene hodi husu tamba sa mak koorenador PST distritu refere mak tenki organiza hodi halo kobransa iha sub distritu hirak ne’e.
Nia lamenta tebes ho atetitude PST nian ne’ebe uja solar panel ne’e (privatiza) hodi obriga komunidade ne’ebe simu solar panel tenki uza emblema ka bandeira PST nian iha serimonia ka festa.
“Ida ne’e mak ami nia preokupasaun ba kobransa prosesu Fahe solar panel tenki obriga kada keluarga tenki hatama $ 5-10.00,” nia haksoman.
Politikamente nia mos sujere ba xefe governu Primeiru Ministru (PM) Kay Rala Xanana Gusmão atu kontrola orsamentu ne’ebe hodi halo prosesu fahe solar panel ne’e.
Antes ne’e iha semana kotuk, militante PST husi distritu hanesan mai to’o parlementu nasional hodi halo protesta hasoru akuzasaun ne’ebe hato’o husi Deputado Domingos Sarmento husi Fretilin ba media konaba kobransa illegal ne’ebe alega hasoru Avelinho Coelho.
Avelinho Coelho rasik ba media liu husi intervista, Kinta feira ne’e katak prosesu solar panel ne’e laiha manipulasaun no fahe tuir prosesu no neneik mak sei to’o hotu ba suku seluk iha Timor tomak. (*/Mariano/CJITL)
.
CJITL Flash, Komunidade Distritu Ermera kompostu husi Suku Ponilala, Lisapat, Fatubuo no Hatulia Tersa Feira 30/3 ne’e hakat ba uma fukun Parlamentu Nasional - PN hodi kesar Sekretariu Estadu Politika Enerjetika (SEPE) Avelino Coelho ne’ebe diskonfia abuzo de poder iha prosesu fahe solar Panel no hodi hala’o kobransa ilegal.
“Ami hakarak hatene solar panel ne’e governu nian ka PST – Partidu Sosialista Timor nian, tamba sa prosesu fahe solar panel ne’e la liu husi autorizasaun lokal sira maibe tenki intrega tomak ba koordenator PST” reprezentante massa, Antonio Santos lamenta iha PN.
Antonio mos la satisfas ho kobransa ne’ebe hala’o ba komunidade sira iha fatin refere wainhira atu fahe solar panel tamba nia hakarak hatene hodi husu tamba sa mak koorenador PST distritu refere mak tenki organiza hodi halo kobransa iha sub distritu hirak ne’e.
Nia lamenta tebes ho atetitude PST nian ne’ebe uja solar panel ne’e (privatiza) hodi obriga komunidade ne’ebe simu solar panel tenki uza emblema ka bandeira PST nian iha serimonia ka festa.
“Ida ne’e mak ami nia preokupasaun ba kobransa prosesu Fahe solar panel tenki obriga kada keluarga tenki hatama $ 5-10.00,” nia haksoman.
Politikamente nia mos sujere ba xefe governu Primeiru Ministru (PM) Kay Rala Xanana Gusmão atu kontrola orsamentu ne’ebe hodi halo prosesu fahe solar panel ne’e.
Antes ne’e iha semana kotuk, militante PST husi distritu hanesan mai to’o parlementu nasional hodi halo protesta hasoru akuzasaun ne’ebe hato’o husi Deputado Domingos Sarmento husi Fretilin ba media konaba kobransa illegal ne’ebe alega hasoru Avelinho Coelho.
Avelinho Coelho rasik ba media liu husi intervista, Kinta feira ne’e katak prosesu solar panel ne’e laiha manipulasaun no fahe tuir prosesu no neneik mak sei to’o hotu ba suku seluk iha Timor tomak. (*/Mariano/CJITL)
.
0 comentários:
Enviar um comentário