Written by CJITL Editor - Monday, 05 April 2010
CJITL Flash, Prezidenti Republika Jose Ramos Horta Kuarta molok paskoa semana kotuk, ejiji instituisaun ne’ebe servisu iha area kombate korupsaun atu aprezenta relatoriu korupsaun ba nia.
“Prezidente presiza relatoriu ofisial kona ba kazu korupsaun no boa governasaun tamba ne ‘e nia bolu ha’u, no Komisariu ba Komisaun Anti Korupsaun, Prokuradora no Provedoria hodi husu kona ba relatoriu no faktus kona ba korupsaun” Vise Primeiru Ministru, Mario Viegas Carascalão hateten ida ne’e ba jornalista iha Palasiu Prezidente Ai-Tarak laran, Dili.
Carrascalao haktuir katak oras be’e publiku konsidera ona Primeiru Ministru Xanana Gusmao nu’udar aman protektor koruptor iha Timor Leste tamba admiti hela koruptor sira goza hela osan povu nian iha governu ne’ebe Xanana lidera.
“Senhor Prezidente durante ne’e le’e liu de’it husi buat ne’ebe ami koalia liu husi jornal maibe nunka hetan relatoriu ofisial ida, agora ami nain ha’at ne’e hetan servisu atu halo relatoriu kona ba faktus atu nune’e loron ida bele publika ba publiku,” tenik Mario.
Eis Governador Indonezia ne’e hatutan maske entidade hirak ne’e seidauk halo relatoriu ofisial kompletu ba prezidente maibe inisiativa Horta konvoka reuniaun ne’e nu’udar pasu ida importante atu kombate korupsaun iha TL.
Parte seluk Komisariu KAK Aderito de Jesus informa katak enkontru ne’e hanesan koordenasaun entere entidades ne’ebe servisu iha area boa governasaun no korupsaun nian.
Vise PM Asuntu Admistrasaun Mario Viegas Carrascalão apresia tebes kontribusaun media durante ne’e tamba konsege halo koruptor sira ta’uk atu pratika korupsaun.
“Kontribuisaun bo’ot ne’ebe mai husi media halo ema balun ta’uk hakiduk, ladun halo korupsaun hanesan uluk ona, hamenus tiha ona” tenik Carrascalão.
Ha’u sempre uza media hodi hateten saida mak akontese iha ita nia rain balun la gosta pasiensia no se mak la gosta hodi kontra fila fali hau ne’e, ida mak nia duni” dehan Carrascalão. (*/CJITL)
.
CJITL Flash, Prezidenti Republika Jose Ramos Horta Kuarta molok paskoa semana kotuk, ejiji instituisaun ne’ebe servisu iha area kombate korupsaun atu aprezenta relatoriu korupsaun ba nia.
“Prezidente presiza relatoriu ofisial kona ba kazu korupsaun no boa governasaun tamba ne ‘e nia bolu ha’u, no Komisariu ba Komisaun Anti Korupsaun, Prokuradora no Provedoria hodi husu kona ba relatoriu no faktus kona ba korupsaun” Vise Primeiru Ministru, Mario Viegas Carascalão hateten ida ne’e ba jornalista iha Palasiu Prezidente Ai-Tarak laran, Dili.
Carrascalao haktuir katak oras be’e publiku konsidera ona Primeiru Ministru Xanana Gusmao nu’udar aman protektor koruptor iha Timor Leste tamba admiti hela koruptor sira goza hela osan povu nian iha governu ne’ebe Xanana lidera.
“Senhor Prezidente durante ne’e le’e liu de’it husi buat ne’ebe ami koalia liu husi jornal maibe nunka hetan relatoriu ofisial ida, agora ami nain ha’at ne’e hetan servisu atu halo relatoriu kona ba faktus atu nune’e loron ida bele publika ba publiku,” tenik Mario.
Eis Governador Indonezia ne’e hatutan maske entidade hirak ne’e seidauk halo relatoriu ofisial kompletu ba prezidente maibe inisiativa Horta konvoka reuniaun ne’e nu’udar pasu ida importante atu kombate korupsaun iha TL.
Parte seluk Komisariu KAK Aderito de Jesus informa katak enkontru ne’e hanesan koordenasaun entere entidades ne’ebe servisu iha area boa governasaun no korupsaun nian.
Vise PM Asuntu Admistrasaun Mario Viegas Carrascalão apresia tebes kontribusaun media durante ne’e tamba konsege halo koruptor sira ta’uk atu pratika korupsaun.
“Kontribuisaun bo’ot ne’ebe mai husi media halo ema balun ta’uk hakiduk, ladun halo korupsaun hanesan uluk ona, hamenus tiha ona” tenik Carrascalão.
Ha’u sempre uza media hodi hateten saida mak akontese iha ita nia rain balun la gosta pasiensia no se mak la gosta hodi kontra fila fali hau ne’e, ida mak nia duni” dehan Carrascalão. (*/CJITL)
.
0 comentários:
Enviar um comentário