.
Written by Tomas Sanches and Madalena Horta-Tuesday, 20 April 2010
CJITL Flash, Deputadu Partidu Sosial Demokrata (PSD) du'un media lokal iha Timor Leste mak halo manipulasaun ba notisia konaba kazu Ministru Negosius Estrangeirus, Zacarias Albano da Costa ho Primeiru Ministru Xanana Gusmão konaba Short Message Service (SMS) atu husik nia kargu foin lalais ne’e.
“Hau sente problema ne’e ki’ik oan ida ne’ebe labarik ki’ik oan sira mos bele rezolve maibe nusa mak ita tenki fo hatene ou fo sai ba media hotu-hotu atu hatene problema ida ne’e”, dehan Deputadu Riak Leman liu husi plenaria iha PN, Tersa, (20/04). “Dalaruma media mos interven no halo manipulasaun dehan ami mak sala no du'un ba mai deit halo opozisaun sira mos tama sala tan”.
Tuir deputadu husi Partidu Sosial Demokrata (PSD) ne’e katak problema ne’e internal governu Aliansa Maioria Parlamentar (AMP) ne’ebe tuir lolos labele ema seluk mos hatene hotu inklui povu internasional.
Tanba ne'e, nia husu ba entidade tomak atu labele sukit fila fali problema ne’ebe refere tanba rezolve tiha ona iha internal AMP nian.
Deputadu husi bankada opozisaun Fretilin rasik deklara katak sira nunka no lakohi atu tau kanuru tohar ba problema AMP ne’ebe refere.
“Ami nunka atu mete imi AMP nia problema maibe imi rasik mak hakarak mai fase imi nia ropa foer iha parlamentu ne’e no iha media nia oin atu ema hotu hatene”, dehan Prezidenti bankada Fretilin, Aniceto Guterres. “Ne’e duni tamba sa imi tenki fo sala ba media, ami defende nafatin media nia servisu tamba media la’os hakerek no interven arbiru deit”.
Nune’e mos deputadu husi bankada Conselhu Nasional Rekonstruksaun Timor (CNRT), Natalino do Santos kontra maka’as argumentu deputadu PSD Reak Leman ne’ebe du'un media mak halo manipulasaun informasaun ba kazu Zacarias VS Xanana.
“Ita lalika soe rai rahun ba ema seluk wainhira halo tiha sala no dehan fali media mak halo manipulasaun ne’e lalos”, dehan deputadu ne’e. Neduni husi ami nia parte defende nafatin media katak buat ne’ebe media hakerek no fosai liu husi televizaun ne’e los tamba imi mak hakarak fase malu iha media nia oin”.
Antes ne’e Ministru Zacarias rasik kondena ona media lokal mak halo kria konflitu no halo manipulasaun ba informasaun relasiona ho SMS rezignasaun ne’ebe nia haruka ba asesor primeiru ministru nian. (Thomas,Lena/CJITL)
.
Written by Tomas Sanches and Madalena Horta-Tuesday, 20 April 2010
CJITL Flash, Deputadu Partidu Sosial Demokrata (PSD) du'un media lokal iha Timor Leste mak halo manipulasaun ba notisia konaba kazu Ministru Negosius Estrangeirus, Zacarias Albano da Costa ho Primeiru Ministru Xanana Gusmão konaba Short Message Service (SMS) atu husik nia kargu foin lalais ne’e.
“Hau sente problema ne’e ki’ik oan ida ne’ebe labarik ki’ik oan sira mos bele rezolve maibe nusa mak ita tenki fo hatene ou fo sai ba media hotu-hotu atu hatene problema ida ne’e”, dehan Deputadu Riak Leman liu husi plenaria iha PN, Tersa, (20/04). “Dalaruma media mos interven no halo manipulasaun dehan ami mak sala no du'un ba mai deit halo opozisaun sira mos tama sala tan”.
Tuir deputadu husi Partidu Sosial Demokrata (PSD) ne’e katak problema ne’e internal governu Aliansa Maioria Parlamentar (AMP) ne’ebe tuir lolos labele ema seluk mos hatene hotu inklui povu internasional.
Tanba ne'e, nia husu ba entidade tomak atu labele sukit fila fali problema ne’ebe refere tanba rezolve tiha ona iha internal AMP nian.
Deputadu husi bankada opozisaun Fretilin rasik deklara katak sira nunka no lakohi atu tau kanuru tohar ba problema AMP ne’ebe refere.
“Ami nunka atu mete imi AMP nia problema maibe imi rasik mak hakarak mai fase imi nia ropa foer iha parlamentu ne’e no iha media nia oin atu ema hotu hatene”, dehan Prezidenti bankada Fretilin, Aniceto Guterres. “Ne’e duni tamba sa imi tenki fo sala ba media, ami defende nafatin media nia servisu tamba media la’os hakerek no interven arbiru deit”.
Nune’e mos deputadu husi bankada Conselhu Nasional Rekonstruksaun Timor (CNRT), Natalino do Santos kontra maka’as argumentu deputadu PSD Reak Leman ne’ebe du'un media mak halo manipulasaun informasaun ba kazu Zacarias VS Xanana.
“Ita lalika soe rai rahun ba ema seluk wainhira halo tiha sala no dehan fali media mak halo manipulasaun ne’e lalos”, dehan deputadu ne’e. Neduni husi ami nia parte defende nafatin media katak buat ne’ebe media hakerek no fosai liu husi televizaun ne’e los tamba imi mak hakarak fase malu iha media nia oin”.
Antes ne’e Ministru Zacarias rasik kondena ona media lokal mak halo kria konflitu no halo manipulasaun ba informasaun relasiona ho SMS rezignasaun ne’ebe nia haruka ba asesor primeiru ministru nian. (Thomas,Lena/CJITL)
.
0 comentários:
Enviar um comentário