.
TIMOR POST
Dili, 23.04.2010
Lautem-Premeiru Ministru Kay Rala Xanana Gusmao deklara katak Komisaun Anti-Korupsaun (KAK) lapresiza atu halo investigasaun ba kazu suborno ka osan sigaru nebe akontese iha Alfandega.
Tuir Xanana katak KAK presiza atu halo investigasaun deit ba kazu korupsaun bo’ot nebe ukun nain sira halo.
Nia dehan, iha inkontru ho Komisariu KAK foin lalais ne’e, ninia parte husu atu KAK labele soe tempu hodi investiga kazu kiik hanesan uang rokok.
“Hau husu ona ba Komisariu KAK atu la presiza investiga (kazu) uang rokok. Uang rokok ne’e kiik, diak liu KAK konsentra an ba kazu bo’ot,” dehan PM Xanana durante ninia aprezentasaun konaba Planu Estratejiku Dezenvolvimentu Nasional (PEDN) iha Sub-Distritu Lospalos, Distritu Lautem, Segunda, (19/04).
Xanana hatutan, kazu osan sigaru nebe akontese iha Diresaun Nasional Alfandega (DNA) diak liu intrega ba Polisia no ba inspeitur jeral estadu.
Tan ne’e nia dehan, KAK tenki hahu ona forma nia an hodi halao rekrutamentu no halao mos kapasitasaun ba ninia funsionariu.
PM ne’e husu atu KAK kontrata mos espesialista husi liur hodi ajuda halao investigasaun ba kazu korupsaun nebe akontese.
Tanba nia afirma, kazu korupsaun sei bo’ot liu iha implementasaun PEDN. “Hau dehan ba KAK atu tau-matan didiak ba implementasaun PEDN tanba planu ne’e sei fakar osan barak,” deklara nia.
Iha fatin hanesan, komunidade sira iha Distritu Lautem husu ba governu atu hatun ekipa investigasaun ruma hodi investiga implementasaun Projetu Pakote Referendum (PPR).
Tanba tuir komunidade sira katak implementasaun PPR iha sira nia areia barak mak la iha kualidade. (jorgino santos).
TIMOR POST
Dili, 23.04.2010
Lautem-Premeiru Ministru Kay Rala Xanana Gusmao deklara katak Komisaun Anti-Korupsaun (KAK) lapresiza atu halo investigasaun ba kazu suborno ka osan sigaru nebe akontese iha Alfandega.
Tuir Xanana katak KAK presiza atu halo investigasaun deit ba kazu korupsaun bo’ot nebe ukun nain sira halo.
Nia dehan, iha inkontru ho Komisariu KAK foin lalais ne’e, ninia parte husu atu KAK labele soe tempu hodi investiga kazu kiik hanesan uang rokok.
“Hau husu ona ba Komisariu KAK atu la presiza investiga (kazu) uang rokok. Uang rokok ne’e kiik, diak liu KAK konsentra an ba kazu bo’ot,” dehan PM Xanana durante ninia aprezentasaun konaba Planu Estratejiku Dezenvolvimentu Nasional (PEDN) iha Sub-Distritu Lospalos, Distritu Lautem, Segunda, (19/04).
Xanana hatutan, kazu osan sigaru nebe akontese iha Diresaun Nasional Alfandega (DNA) diak liu intrega ba Polisia no ba inspeitur jeral estadu.
Tan ne’e nia dehan, KAK tenki hahu ona forma nia an hodi halao rekrutamentu no halao mos kapasitasaun ba ninia funsionariu.
PM ne’e husu atu KAK kontrata mos espesialista husi liur hodi ajuda halao investigasaun ba kazu korupsaun nebe akontese.
Tanba nia afirma, kazu korupsaun sei bo’ot liu iha implementasaun PEDN. “Hau dehan ba KAK atu tau-matan didiak ba implementasaun PEDN tanba planu ne’e sei fakar osan barak,” deklara nia.
Iha fatin hanesan, komunidade sira iha Distritu Lautem husu ba governu atu hatun ekipa investigasaun ruma hodi investiga implementasaun Projetu Pakote Referendum (PPR).
Tanba tuir komunidade sira katak implementasaun PPR iha sira nia areia barak mak la iha kualidade. (jorgino santos).
.
0 comentários:
Enviar um comentário