Paulo Fatima Husu Longuinhos Rejolve Problema Promosaun Deviza Ho Kuidadu

.

Paulo Fatima Martins

Written by CJITL Editor – Monday, 05 April 2010

Dili Flash, Reprezentante povu iha Parlamentu Nasional (PN) husu Komandante Jeral Polisia Nasional Timor Leste - PNTL Longuinhos Monteiru ho Sekretariu Estadu Siguransa (SES) Fransisco Guterres atu rejolve problema promosaun deviza membru PNTL ho kuidadu para labele afeita insstabilidade iha rai laran.

Deklarasaun deputadu nian ne’e relasaun ho sentimentu insatisfeitu membru polisia balun ho promosaun deviza foin lalais ne’e iha komemorasaun aniversariu PNTL ba dala Sanulu (10), Membru polisia balun desidi soe tiha sira nia deviza iha Palasiu Governu nia oin iha Sabadu kalan tamba la satisfas ho prosesu ne’ebe iha.

Deputadu CNRT hanesan mos Eis Komandante Jeral PNTL Paul Martins hateten katak lideransa na’in rua ne’e tenki hare problema ne’e ho seriu atu nune’e labele akontese tan situasaun hanesan krize 2006.

Nia parte sujere ba membru PNTL ne’ebe sofre ba situasaun ne’e atu buka dalan ho ulun malirin liu husi rekere sira nia problema ne’e iha sira nia Komandante Jeral PNTL. (*/Edited news STL)
.