.
Written by Domingos da Silva-Monday, 19 April 2010
CJITL flash, Prezidente Republika, José Ramos-Horta iha loron Sexta-feira, 16 Abril 2010, hakat-an ba distritu Manatuto, sub distritu Laklubar, hodi hala’o programa dialogu distrital ho tema “Dalan ba Dame no Unidade Nasional” ho komunidade husi distritu ne’ebe refere,
Iha dialogu ne’e, Xefe Estadu akompanhadu husi Vise-Ministra Saude, Madalena Hanjam, Sekretariu Estadu Kultura, Virgilio Smith, Sekretariu Estadu Obras Publika, Domingos Caerro, Sekretariu Estadu ba Asuntu Asistensia Sosial no Dezastre Naturais, Jacinto Rigoberto de Deus, Sekretariu Estadu Elektresidade, Aqua, no Urbanizasaun, Januario Pereira, no Sekretariu Estadu Reforma Administrativa, Florindo Pereira.
Hanesan mos dialogu iha distritu sira seluk, iha okaziaun ida ne’e, Xefe Estadu Ramos-Horta kontinua apelu ba komunidade sira atu hametin liu-tan dame no unidade iha nasaun ida ne’e.
Ba partisipantes rihun ba rihun iha sorumutu ne’e Prezidente Ramos-Horta hateten; “Nudar Prezidente Republika, hau iha obrigasaun hodi kria no hametin liu-tan Dame no Unidade Nasional hodi defende soberania independensia nasaun ida ne’e para labele monu”. “Hodi nune’e, hau hakarak apelu ba imi hotu, favor soe kroat, hodi labele kria violensia, atu nune’e esperensia iha tempu rezistensia no krizi 2006nian labele akontese-tan,” hateten Prezidente Ramos-Horta ba partisipantes sira.
Iha biban ida ne’e, Xefe Estadu mos la haluha hato’o ninia parabens ba instituisaun PNTL no F-FDTL, nomos partidu politiku sira hotu, inklui partidu Fretilin nudar partidu bo’ot iha nasaun ida ne’e, ne’ebe durante ne’e fo ona sira nia kolaborasaun maksimu hodi kria estabilidade iha nasaun foun ne’e.
Iha oportunidade ida ne’e, komunidade sira hato’o mos sira nia prekupasaun balun hanesan ; problema estrada, elektresidade, agrikultura, sentru komunitariu, kampu servisu no seluk-tan. Ba kistaun hirak ne’e, Xefe Estadu fo oportunidade ba membrus governu sira hodi hatan diretamente prekupasaun povu nian ne’e.
Tuir komunikadu katak, Dialogu ne’e rasik la’o ho di’ak no hetan partisipasaun maksimu husi komunidade no autoredades lokal husi distritu ne’ebe refere. (*/CJITL)
.
Written by Domingos da Silva-Monday, 19 April 2010
CJITL flash, Prezidente Republika, José Ramos-Horta iha loron Sexta-feira, 16 Abril 2010, hakat-an ba distritu Manatuto, sub distritu Laklubar, hodi hala’o programa dialogu distrital ho tema “Dalan ba Dame no Unidade Nasional” ho komunidade husi distritu ne’ebe refere,
Iha dialogu ne’e, Xefe Estadu akompanhadu husi Vise-Ministra Saude, Madalena Hanjam, Sekretariu Estadu Kultura, Virgilio Smith, Sekretariu Estadu Obras Publika, Domingos Caerro, Sekretariu Estadu ba Asuntu Asistensia Sosial no Dezastre Naturais, Jacinto Rigoberto de Deus, Sekretariu Estadu Elektresidade, Aqua, no Urbanizasaun, Januario Pereira, no Sekretariu Estadu Reforma Administrativa, Florindo Pereira.
Hanesan mos dialogu iha distritu sira seluk, iha okaziaun ida ne’e, Xefe Estadu Ramos-Horta kontinua apelu ba komunidade sira atu hametin liu-tan dame no unidade iha nasaun ida ne’e.
Ba partisipantes rihun ba rihun iha sorumutu ne’e Prezidente Ramos-Horta hateten; “Nudar Prezidente Republika, hau iha obrigasaun hodi kria no hametin liu-tan Dame no Unidade Nasional hodi defende soberania independensia nasaun ida ne’e para labele monu”. “Hodi nune’e, hau hakarak apelu ba imi hotu, favor soe kroat, hodi labele kria violensia, atu nune’e esperensia iha tempu rezistensia no krizi 2006nian labele akontese-tan,” hateten Prezidente Ramos-Horta ba partisipantes sira.
Iha biban ida ne’e, Xefe Estadu mos la haluha hato’o ninia parabens ba instituisaun PNTL no F-FDTL, nomos partidu politiku sira hotu, inklui partidu Fretilin nudar partidu bo’ot iha nasaun ida ne’e, ne’ebe durante ne’e fo ona sira nia kolaborasaun maksimu hodi kria estabilidade iha nasaun foun ne’e.
Iha oportunidade ida ne’e, komunidade sira hato’o mos sira nia prekupasaun balun hanesan ; problema estrada, elektresidade, agrikultura, sentru komunitariu, kampu servisu no seluk-tan. Ba kistaun hirak ne’e, Xefe Estadu fo oportunidade ba membrus governu sira hodi hatan diretamente prekupasaun povu nian ne’e.
Tuir komunikadu katak, Dialogu ne’e rasik la’o ho di’ak no hetan partisipasaun maksimu husi komunidade no autoredades lokal husi distritu ne’ebe refere. (*/CJITL)
.
0 comentários:
Enviar um comentário