Komisaria Labarik no PN Kontra Politika Joao Cancio Konaba Livro Biolojia

.

Adalgiza Ximenes, foto CJITL

Written by Eva Almeida - Thursday, 08 April 2010

CJITL flash, Relasiona ho Politika Ministeriu Edukasaun ne’ebe produz ona livru biologia atu hanorin iha Eskola Primaria -EP (terseiru ano) hetan reasaun kontra husi Parlamentu Nasional no Komisaria Labarik tanba livru ne’e la kondiz idade labarik sira atu apriende konaba materia ne’e.

Adalgiza Ximenes, Komisaria Labarik kontra politika governu atu aplika materia biologia ba eskola Primaria maske nia rasik seidauk hare’e konteudu livru ne’e.

“Ami mos preokupa mais seidauk hare’e kontidu lolos parte Governu”, dehan Komisaria Labarik, Adalgiza Ximenes foin lalais ne’e iha Dili.

Nia dehan bele hatama iha kurikulum hodi hanorin labarik sira maibe ho maneira oinsa, la’os Timor Leste mak primeiru atu hatama kurikulum hanesan ne’e no ita labele adapta husi mala’e sira nian.

Deputadu Mateus de Jesus la konkorda konaba livru Titilo “Vou Conheser A Vida” Ba Estudante liu-liu terseira klase tamba seidauk serve para fo ba labarik ki’ik oan sira.

“Hau rasik foti plenaria sobre ba livru ne’e, labarik tinan 9 mai kraik ne’e bele ona ga lae ita bele produs livru ida hodi hanorin labarik oinsa bele hetan prossesu ida hodi hetan bebe ida iha Feto ninia kabun”, dehan deputadu ne’e.

“Maibe Vise Ministru Edukasaun, Paul Assis dehan katak livru ne’e kapas no merese duni atu fo ba estudante sira Escola oan sira implementa kedas” hateten Mateus.

Tuir Eis Depuatadu Unidade Nasional (PUN) ne’e katak livre ne’ebe refere merese liu atu hanorin iha Pre-Sekundaria no Sekundaria tanba estudante hirak ne’e tama ona tinan 13 ba leten ne’ebe bele estuda konaba material ne’e.

“Bele hanorin Biologia maibe injeral deit maibe relasaun Feto ida mane ida prosesu to’o hetan bebe diak liu ita labele lai hanorin ba ki’ik oan sira”, dehan Mateus.

Profesora sira mos preokupa no la aseita konaba livru ne’ebe Ministeru Edukasaun hasai ka implementa hodi hanorin labarik terseira klase.

“Wainhira sira bo’ot ona no hare ona sira nia mesturasaun ne’e bele hanorin ona orgaun vital feto ho mane nian ba sira” dehan profesora husi Eskola Primaria Cina, Beatriz Duarte Alberto. (Eva de Almeida)
.