JOSE RAMOS HORTA PLANU ATU INDULTU BA SALSINHA HO NIA KOLEGAS

.

Written by CJITL Editor Thursday, 01 April 2010

Dili flash, Prezidente Republika Jose Ramos Horta, iha ona planu atu fo indultu ba arguidu kazu 11 Feberiru 2008, Prizoneiru Gastao Salsinha ho nia kolegas ne’ebe hetan ona sentesa tuir desizaun tribunal.

Tuir informasaun ne’ebe konfirmado katak Horta rasik halo ona inkontru ho advogado Gastao Salsinha, Arlindo Sanshes no familia arguidu sira liu husi enkontro iha palacio Prezidente semana kotuk.

Vice bankada CNRT Pedro da Costa Martires konfesa katak prezensa advogado nain rua nia atu simu sira nia opiniaun, pozisaun Prezidente Republika indultu ba grupu Gastao Salsinha maibe seidauk hatene lolos data maibe Horta komesa realiza politika indultu ne’e.

“Sira ohin mai husu ami nia opiniaun konaba pozisaun Horta nian, ne’ebe atu fo indultu ba Salsinha ho nia kolega sira” Pedro da Costa hateten iha Parlementu Nasional.

Iha parte seluk advogadu Salsinha , Arlindo Sanshes rasik rezeita informasaun ne’e tuir nia katak hasoru malu ne’e ba asuntu privadu, maibe kona ba indultu,Arlindo konsidera direitu prerogative Prezidente nian, tuir desizaun politika ne’ebe la kabe ba desizaun juridiku.

“Indultu ne’e bele fo bainhira Salsinha ho nia kolega sira kumpri ona 1/3 husi nia sentesa, ne’ebe nia kriteria sei determina husi Ministra Justisa,”Dehan Arlindo.(Edited news STL 30/3)
.