Joao Cancio: LIVRU NE’E ARMINDO MAK ASINA LA’OS HAU

.

Joao Cancio/foto CJITL

Written by Domingos da Silva - Thursday, 08 April 2010

CJITL flash, Ministru Edukasaun – ME, Joao Cancio Freitas, Kinta feira ohin liu husi konferensia ba imprensa hateten livru nebe mak oras ne’e sai preokupasaun bo’ot iha publiku katak livru ne’e la merese atu hanorin iha eskola primaria ne’e la’os nia mak asina maibe ne’e kontinuasaun husi politika Eis Ministru Edukasaun, Armindo Maia nian.

“Livru ida ne’e halo iha Primeiru Governu konstitusional, Dr. Armindo Maia mak asina la’os hau, Joao Cancio hateten.

“Livru ida ne’e halo iha tinan kotuk, maibe ami bazeia ba kurikulum ne’ebe aprovado iha 2005, enkuantu ME laiha lei ka rezulusaun Konselho Ministru seluk, tamba ne’e ami sei kontinua hanorin ho livru ne’e” dehan Joao cancio, Kinta, 8 Abril iha salaun Ministeriu Edukasaun Vila Verde Dili.

Nia hatutan katak ME labele troka lei ida ne’e tamba iha kurikulum ne’ebe bazeia ba rejulusaun konselho Ministru husi governu ida tuan nian tamba to’o agora governu ida ne’e seidauk halo fali rezolusaun foun ida atu anula lei ida uluk governu Fretilin halo.

ME sei halo konsultasaun ho komunidade saida mak komunidade tomak hanoin para hadia failansu sira ne’e.

Joao informa katak ita kontinua deit ho livru ne’e tamba ita bazeia ba kurikulum ne’ebe aprovadu tiha ona, kurikulum ida ne’e so la vale tiha kuandu iha fali aprovasaun seluk iha konselho ministru. (Domingos/CJITL)
.