.
Written by Madalena Horta-Wednesday, 28 April 2010
CJITL flash, Lideransa Partidu Politiku opozisaun Fretilin konsidera Jornal Suara Timor Lorosa’e (STL) abuza maka’as profesionalizmu jurnalismu nian tanba halo publikasaun la tuir dutrina jornalista nian.
Tanba iha publikasaun STL edisaun segunda (26/04) hateten Xanana du’un Mari Alkatiri mak haruka ema hodi sunu edifisiu Alfandega iha krizi 2006 liu ba.
“Se karik Irmao Xanana mak hateten entaun STL tenki hateten hodi bainhira, iha ne’ebe sa oras sa loron”, dehan Sekertariu Jeral Partidu Fretilin, Mari Alkatiri, Iha sede fretilin Comoro Segunda foin lalais ne’e.
Lider partidu fretilin ne’e fiar katak Primeiru Ministru Xanana Gusmão la koalia arbiru hanesan iha jornal STL laran.
No husu ba dirasaun STL atu bele hakerek ne’e tuir standar profesionalizmu jornalista nian.
“Se PM rasik mak halo ne’e buka apoiu politiku, hau husu deit ba STL lalika halo provoka demais, professional oituan tenik Alkatiri.
Eis Primeiru Ministru ne’e mos fiar katak Xanana la’os ema bulak hodi du’un nia nudar autor hodi haruka masa ba sunu edifisiu Alfandega ne’e.
No nia fiar katak Xanana iha dadus konaba governasaun Fretilin nian iha tempo ne’eba tanba ne’e nia fiar katak notisia ne’e inventa husi STL rasik.
“Hau la fiar karik iha 2007 ne’e hau fiar maibe agora 2010 ona hau la fiar”, dehan Alkatiri. “Tanba irmao Xanana iha dadus tomak ona ba Governasaun Fretilin nian, hau fiar katak nia la koalia hanesan ne’e”.
Nia dehan agora ne’e ema barak komesa iha hanoin atu halo propaganda oi-oin atu nia ho Xanana hirus malu deit tanba dadaun Fretilin no CNRT iha ona planu atu hamutuk hodi lori nasaun ne’e ba oin.
“CNRT atu hamotuk ho ami para atu lori rai ne’e ba oin , entaun tenke imventa para Mari ho Xanana hirus malu ba nafatin”, nia tenik. “Mais ami la monu ho liafuan sira ne’e”. (Madalena/CJITL)
.
Written by Madalena Horta-Wednesday, 28 April 2010
CJITL flash, Lideransa Partidu Politiku opozisaun Fretilin konsidera Jornal Suara Timor Lorosa’e (STL) abuza maka’as profesionalizmu jurnalismu nian tanba halo publikasaun la tuir dutrina jornalista nian.
Tanba iha publikasaun STL edisaun segunda (26/04) hateten Xanana du’un Mari Alkatiri mak haruka ema hodi sunu edifisiu Alfandega iha krizi 2006 liu ba.
“Se karik Irmao Xanana mak hateten entaun STL tenki hateten hodi bainhira, iha ne’ebe sa oras sa loron”, dehan Sekertariu Jeral Partidu Fretilin, Mari Alkatiri, Iha sede fretilin Comoro Segunda foin lalais ne’e.
Lider partidu fretilin ne’e fiar katak Primeiru Ministru Xanana Gusmão la koalia arbiru hanesan iha jornal STL laran.
No husu ba dirasaun STL atu bele hakerek ne’e tuir standar profesionalizmu jornalista nian.
“Se PM rasik mak halo ne’e buka apoiu politiku, hau husu deit ba STL lalika halo provoka demais, professional oituan tenik Alkatiri.
Eis Primeiru Ministru ne’e mos fiar katak Xanana la’os ema bulak hodi du’un nia nudar autor hodi haruka masa ba sunu edifisiu Alfandega ne’e.
No nia fiar katak Xanana iha dadus konaba governasaun Fretilin nian iha tempo ne’eba tanba ne’e nia fiar katak notisia ne’e inventa husi STL rasik.
“Hau la fiar karik iha 2007 ne’e hau fiar maibe agora 2010 ona hau la fiar”, dehan Alkatiri. “Tanba irmao Xanana iha dadus tomak ona ba Governasaun Fretilin nian, hau fiar katak nia la koalia hanesan ne’e”.
Nia dehan agora ne’e ema barak komesa iha hanoin atu halo propaganda oi-oin atu nia ho Xanana hirus malu deit tanba dadaun Fretilin no CNRT iha ona planu atu hamutuk hodi lori nasaun ne’e ba oin.
“CNRT atu hamotuk ho ami para atu lori rai ne’e ba oin , entaun tenke imventa para Mari ho Xanana hirus malu ba nafatin”, nia tenik. “Mais ami la monu ho liafuan sira ne’e”. (Madalena/CJITL)
.
0 comentários:
Enviar um comentário