Taur Husu Uza Lian Tetun, Amerika-Australia Aproveita Kampanha Lian Ingles

.
Written by CJITL Editor-Wednesday, 17 March 2010

Dili flash, Hafoin semana ida liu, lider Falentil Forsa Defeza Timor Leste (F-FDTL) Maijor Jeneral, Taur Matan Ruak husu ba estadu atu uza lia Tetun iha sistema judisial hotu, Estadu Unidus America no Australia ‘aproveita’ hodi halo kampania lian Engles.

Embaixador America no Australia segunda foin dadauk ne’e hamutuk ho Prokuradoria Jeral Republika (PJR) Ana Pessoa Pinto, lansa kursu lian Ingles ba Prokurador Timor oan sira.

Ana Pessoa hateten, lansa kursu lian Ingles ba prokurador sira, tanba lian ne’e peokurador Timor oan balun seidauk hatene, tanba sistema judisiariu atu forte mazistratura tenki hatene lian Internasional.

Nia hatutan tan katak prokurador sira ne’ebe agora servisu hamutuk ho Prokuradoria tenki tuir kursu liagua tetun dutante fulan tolu, tanba hatene ona lian Tetun bele hadia sistema judisiariu la’o diak.

Iha parte seluk Embaixador Estadus Unidus da America Hans Kleam, sublina tan katak programa ne’e diak, tanba bele ajuda Prokurador sira bele servisu diak iha sistema judisiariu.

Iha fatin hanesan Embaixador Australia, Peter Harward, salenta tan katak treinamentu Ingles ba Prokurador importante tebes atu ajuda Prokuradoria hodi tulun ema ne’ebe servisu iha ne’eba, bele komprende lian Ingles hodi halo komunikasaun entre nasaun iha area judisiariu.

Nune’e mos Australia nia Embaixada fo ajuda orsamentu hamutuk U$ 45.000 ne’ebe fo direitamente ba Prokuradoria Jeral Republika. (Edited News STL 17/03)
.