.
Written by CJITL Editor-Saturday, 13 March 2010
Dili Flash, Prezidente Parlamentu Nasional (PN), Fernando Lasama, apoia deklarasaun Komandante Jeral F-FDTL Major Jeneral Taur Matan Ruak, ne’ebe husu julgamentu ba kazu hotu iha Tribunal tenke ho lingua Tetun tamba ligasaun ho ema nia vida.
Nia konsidera deklarasau Taur Matan Ruak nian hanesan apelu bo’ot ida ba estadu atu tau konsiderasaun hodi buka solusaun antes povu barak sai vitima iha situasaun ne’e.
“Hau apoia deklarasaun Major Jeneral nian katak, se bele julgamentu ba kazu hotu tau Timor oan sira. Pois malae sira ne’e mak hanesan asesor deit” tenik Lasama iha PN horseik.
Komandante antes ne’e halo deklarasaun manas hasoru juiz, defensor no advogadu Portuges ne’ebe la hatene koalia Tetun tamba dala barak kria konfuzaun ba Timor oan sira ne’ebe presija justisa ba sira nia kazu tamba la kompriende lian portuges.
Taur iha nia deklarasaun ne’e husu atu Portuges hirak ne’ebe halo servisu iha tribunal ne’ebe la hatene Tetun diak liu fila deit ba sira nia rain tamba, lian ofisial mak Tetun.
Kestaun hanesan mos reforsa hosi bankada PD, Adriano Nascimento katak, lamentasaun Taur nian tuir duni realidade tamba situasaun hanesan sira infrenta mos iha PN no sai ona problema bo’ot ba nasaun, tamba ne’e nia konsidera deklarasaun Taur hanesan mensazen importante no presiza konsiderasaun husi ukun nain hotu atu muda situasaun ho objetivu atu dezenvolve nasaun sai forte.
“Problema lingua laos deit iha Tribunal maibe iha mos PN tamba, ami dala barak mos la komprende lian portuges balun hodi nune’e iha diskusaun lei ami dala ruma nonok hodi foti liman deit” dehan Adriano.
Parte seluk deputadu Fretilin Antonio Bianco konsidera deklarasaun Taur bele los maibe, presiza hare mos ba rekursu humanu TL nian ne’ebe limitadu hela, tamba ne’e tuir nia, se atu evita situasaun ne’e estadu tenke uza rekursu finanseira hodi halo rekrutamentu barak ba ema profesionais iha lingua atu fo tradusaun hodi fasilita prosesu julgamentu iha tribunal bele lao ho diak.(Edited STL,13/03)
.
Written by CJITL Editor-Saturday, 13 March 2010
Dili Flash, Prezidente Parlamentu Nasional (PN), Fernando Lasama, apoia deklarasaun Komandante Jeral F-FDTL Major Jeneral Taur Matan Ruak, ne’ebe husu julgamentu ba kazu hotu iha Tribunal tenke ho lingua Tetun tamba ligasaun ho ema nia vida.
Nia konsidera deklarasau Taur Matan Ruak nian hanesan apelu bo’ot ida ba estadu atu tau konsiderasaun hodi buka solusaun antes povu barak sai vitima iha situasaun ne’e.
“Hau apoia deklarasaun Major Jeneral nian katak, se bele julgamentu ba kazu hotu tau Timor oan sira. Pois malae sira ne’e mak hanesan asesor deit” tenik Lasama iha PN horseik.
Komandante antes ne’e halo deklarasaun manas hasoru juiz, defensor no advogadu Portuges ne’ebe la hatene koalia Tetun tamba dala barak kria konfuzaun ba Timor oan sira ne’ebe presija justisa ba sira nia kazu tamba la kompriende lian portuges.
Taur iha nia deklarasaun ne’e husu atu Portuges hirak ne’ebe halo servisu iha tribunal ne’ebe la hatene Tetun diak liu fila deit ba sira nia rain tamba, lian ofisial mak Tetun.
Kestaun hanesan mos reforsa hosi bankada PD, Adriano Nascimento katak, lamentasaun Taur nian tuir duni realidade tamba situasaun hanesan sira infrenta mos iha PN no sai ona problema bo’ot ba nasaun, tamba ne’e nia konsidera deklarasaun Taur hanesan mensazen importante no presiza konsiderasaun husi ukun nain hotu atu muda situasaun ho objetivu atu dezenvolve nasaun sai forte.
“Problema lingua laos deit iha Tribunal maibe iha mos PN tamba, ami dala barak mos la komprende lian portuges balun hodi nune’e iha diskusaun lei ami dala ruma nonok hodi foti liman deit” dehan Adriano.
Parte seluk deputadu Fretilin Antonio Bianco konsidera deklarasaun Taur bele los maibe, presiza hare mos ba rekursu humanu TL nian ne’ebe limitadu hela, tamba ne’e tuir nia, se atu evita situasaun ne’e estadu tenke uza rekursu finanseira hodi halo rekrutamentu barak ba ema profesionais iha lingua atu fo tradusaun hodi fasilita prosesu julgamentu iha tribunal bele lao ho diak.(Edited STL,13/03)
.
10 comentários:
Hanesan joven Timor oan, ne'ebe sai hanesan pilar boot ida mos ba nasaun ne'e hau hakarak komentariu deit katak Kazu lingua agora dau-daun ne'e afeita ba povu nia moris. Susar liu ba ami ne'ebe oras ne'e iha eskola difisil atu komprende liafuan akademiku husi portugueza. Maibe ho liafuan ne'ebe simples hodi esplika materia mai ami estudante bele kkompriende diak liu duke lingua seluk. Se implementa nafatin lingua portugueza ba Timor Leste ka ba Timor oan rasik, ami sente hanesan ema seluk ba ami nia rain rasik, hetan independensia maibe laiha liberdade iha lingua, ami sai estrannus ba Rai doben Timor Leste.
Hau sinti portugues sira nee diak liu haruka ba sira nia rain deit.....Timor atu sai uniku nusa la koalia tetum......koalia fali lingua ema strangeiru sira nian.
objetivu lian português la'os diminui lian tetum. Pelo contrário, lian portugues enriquece, reforça tetum bainhira preciza liafuan foun sira tamba lian ida ne'e mak tradisaun oral nian. No mos, lingua portugueza halo parte cultura timor nian...la'os "lingua estranjeiru"...situasaun ida ne'e difisil ba joven timor oan sira atu komprende maibé ferik no katuas hatene saida mak hau hakarak hatete.
Sim, hau konkorda atu tetunaliza lain portugueza ba Tetum iha termu akadémiko nian tanba iha liafuan kadémiko nian barak mak iha lian portugueza, Ingleza, Latina no Grego ne kuase iha nia abut ida deit, tan né facilita ita para atu komrende diak. Maibé dehan fali lian portugueza ne halo parte kultura timor nian ne'e ita sala bot. Tanba natureza kultura ne'e mak buat nebe'e ema hotu ou maioria uza no tau iha moris lor-loron, Ora, lian portugueza ne'e la sai tok ita nia kultura tanba ita rasik la domina i la koalia lian ne'e perfeito "uma língua mal falada por a nossa sociedade" oinsa mak ita dehan nia hola parte ita nia kultura, dehan Tetum karik kal lós, tanba ferik katuas sira hatene sa mak ita atu dehan. Maibé koitadu se ita dehan lian Portugueza mak ita kait to' ferik katuas sira dehan hatene ita nia intensaun ne'e, ita bele dehan ita "salah tempat atau salah alamat" tanba ferik-katuas sira 98% ne'e la hatene lian ne'e. Atu taka, hau m'os hakarak dehan katak, diak liu juizes sira ne'e ema timor-oan hotu nebe'e mak iha mos konhesimentu kona-ba lian portugueza ho ingleza para sira bele konsulta ho acessorio sira, atu nuné labele hamosu problema iha interpretasaun da lei ka iha akto jurisprudéncia nian. Katak, la'os hasai lian portugueza ne'e totalmente maibé hadia mak sistema administrativo tribunal nian, estrutura ba funcionamentu órgaun judiciário i nia meios sira. Atu nun'e Lian Portugueza bele tulun ka tama iha funsaun "tutela jurídica da jurisprudência" tribunal nian. Tanba iha realidade hatudu katak linguazen técniko judiciário nian adopta hosi lian portugueza, lian Latina. Atu taka nian, ha'u mos atu salienta liu tan katak, aplikasaun lian Tetum iha Timor-Lorosa'e geralmente e iha Tribunal especialmente, ne'e diak liu tan, maibé atu sai diak liu tan tenki akompanha ho lian Portugueza tanba iha ita nia desenvolvimentu lian Tetum nebé assume hela hosi Instituto Linguistika Timor nian ne'e hetan influencia barak liu hosi Lian Portugueza, ou, ita bele dehan "prossesu tetunaliza" konceitos e termos lian portugueza no Latin.
(Abraço ba imi Hotu - Paresma D'aquinho)
Lingua portuges klaru laos lingua ita Nia,mais problema agora governo tenke cria lian tetum nebe mak tuir gramatica nudar lingua ida para aban bain2 iha Futuru ita bele ona uja ita nia lingua rasik nebe TETUM.nebe agora ita labele hein hl dt atu uja portuges,mais tenke ona atu reforma ita nia lian b Futuru....
Komentariu sira ne'e hotu mesak ho razaun deit, maibe presiza ita hatene katak atu halo muudansa hosi buat ida ba buat seluk presiza tempo no studo,hau sei la aseita karik lider ruma hasai argumentu ho emosaun no ita naran2 suporta deit, ita tenke hare lai katak wainhira taur hasai lia fuan hirak ne'e ho emasaun kah lae ou hasai liafuan tanba nudar individu la satisfas ho situasaun karik? karik bele mudansa ba lingua portugues ba tetum tenke ema linguistika ka akademiku maka bele halo mudansa, laos kualker lider nar-naran deit, klaru ke lider maka ho edukasaun minimu, ne'e bele destroi buat hotu2......
hau asseita ho senhor taur matan ruak nia deklarasaun tmb agr ne kolonialismu laiha ona e ita timor agr ne hamrik mesak e tmb sa mak ita tenki ser uja tan lingua portuguesa,,,.tuir ilmuan franca nian pierre bourdiu hateten katak dominasi simbolis ne ita la senti e ne dhan katak ema ukun nafatin hela ita liu husi lingua tmb ita sidauk sadar.,,ida ne mak presija ita hotu2 hatene.,se ita la buka medidas ruma entaun bainhira mak ita atu implementa los lingua tetum sai hanesan lingua nasional.,.abracos,.,.,castro revolusi
Ita lanu ten barak,,,, koalia deit ba cientifico deit mos labele ona, pará mais,,,, bo'ot sira koalia no basa liman ita ki'ik sira mk haksuit tun-sae.... la hatene identifica,, hasai portugues ka lian portugues,,,, ita timor oan deit lakohi tur hamutuk hodi forma quadros cientificos sira,,,, ita koalia barak2,,,, haiiiiiiii,,,hatene mk sunu malu no sunu sasan deit,,,,
Hanesan timor oan ita hotu sente katak Lian Portugues hanesan investimento cultura husi Europa nia iha ita rai laran,,, ne'e lós duni,,, agora ita nudar timor oan saida mak bele halo hodi troka ba areas administrativos cientificos ba iha educação,,,, iha ona ka seidauk,,??? keta halo ita muda deit sistema ema nia ba fali tetum dehan ita mak hakerek,,,,, recursos humanos timor oan,, barak mak halo tradusão lori ema seluk nia Livro muda ba lian tetum dhn nia mak hakerek,,,,ida ne'e los ka lae,,,,, koalia hasai lian portugues ne'e facil, hanesan presidente Assembleia koalia,,, maibe presidente assembleia deit atu hakerek livro ida mos labele,,,, hatene mak koalia tuir lider seluk ninia hanoin,,,, keta halo hakarak hatama fila fali tagalo ka lian englesh philifina neba.... Tetum ne'e lós,,,,,
Zacarias Albano Vedigal, aceita tomak, declarasaun nebe hato husi Maj Gen. Taur Matan Ruak ne'e Nune mos husi S.Ex Dr fernando Lasama nia apoio ne'e tamba cao nebe mosu iha era agora mai husi era ida aprende konaba lingua tetum laos Portugues, ne buat lagu lama ida, nusa mak nai Ulun Boot estadu no Parlamento labele, hare ba preocupasaun sira hanesan, koalia fali mak buat Historia nebe la coresponde ho situasaun agora,
hanesan, Sr..... hatete dehan husu Miniterio finasa atu recruta ema ba rekursos nebe flta , ita boot sira iha prlamento ne'e mak hatene, laos ema ministerio mak foti fli desisaun, ne lalos ida............ne hanoin seidauk ba oin ida.
iha statemento hateten, dehan facilita ema para selu hodi halo tradusaun lian Portugues ba lian tetum, ita boot nia kakutak ne'e tau iha nebe????????? tamba buat tradusaun ne nemak to agora sai polemika boot ida iha rai laran,
ne' signifika atu haburas nafatin korupsaun nafatin...obrigdo
Enviar um comentário