.
Written by Calisto da Costa & Eva Almeida-Monday, 01 March 2010
CJITL flash, Organizasaun Non Governamental Lalenok Ba Ema Hotu (LABEH) iha tempo besik sei hatama keisa husi ministeriu tolu inklui Ministeriu Edukasaun ne’ebe xefia husi Joao Cancio Freitas ba Komisaun Anti korupsaun (KAK) ne’ebe lidera husi komisariu Aderito de Jesus tanba tuir kazu korupsaun ne’ebe refere seidauk hetan investigasaun husi Ministeriu Publiku.
“Ministeriu tolu ne’ebe dadaun LABEH perpara ona sira nia dokumentu atu hatama iha KAK antes tama loron atus ida maka Ministeriu Edukasaun, Ministeriu Justisa no Sekertariu Estadu Siguransa, liu-liu Departementu Imigrasaun atu nune’e bele hetan investigasaun ne’ebe profundu”, dehan Direitur Ezekuitvu LABEH, Christopher Henry Samson, foin lalais ne’e iha servisu fatin Comoro, Dili.
Tuir relatoriu Corruption Perception Index (CPI) iha tinan 2009 nasaun ne’e identifika nudar nasaun ne’ebe buras ho korupsaun tanba tama iha kategoria 146 husi nasaun 180.
Tuir dadus ne'ebe mai husi Lalenok Ba Ema Hotu (LABEH) hatudu katak instituisaun ne’ebe indika buras liu ho mal administrasaun ka korupsaun mak hanesan Ministeriu Edukasun, Justica, Sekretariu Estado Obras publikas, Ministeriu Ekonomia Dezenvolvimentu, Sekretariu Estado Siguransa no Ministeriu Negosius Estranzeiru.
Rezultadu monitorizasun LABEH katak iha Joao Cancio nia ministeriu rasik identifika osan kuaze $. 19.000 mak lakon iha gabineti ne’ebe refere maibe laiha justifikasaun ida ne’ebe klaru.
Nune’e mos iha Sekretariu Estadu Siguransa nian liu-liu iha depatementu Imigrasun nia osan besik 145.000 mak lakon tanba elementus balun halakon resivu multa nian.
Tanba ne’e nia sujere ba KAK atu bo’ok an lalais hodi halo servisu no hatudu komitmentu hodi halo investigasaun para bele lori autor sira ne’ebe gosta hatama povu nia osan iha bolus ba iha kadeia.
ONG nasional ne’e mos promete sei kolabora servisu KAK hodi kombate korupsaun iha nasaun ne’e. (Eva Almeida, Calisto da Costa/CJITL)
.
Written by Calisto da Costa & Eva Almeida-Monday, 01 March 2010
CJITL flash, Organizasaun Non Governamental Lalenok Ba Ema Hotu (LABEH) iha tempo besik sei hatama keisa husi ministeriu tolu inklui Ministeriu Edukasaun ne’ebe xefia husi Joao Cancio Freitas ba Komisaun Anti korupsaun (KAK) ne’ebe lidera husi komisariu Aderito de Jesus tanba tuir kazu korupsaun ne’ebe refere seidauk hetan investigasaun husi Ministeriu Publiku.
“Ministeriu tolu ne’ebe dadaun LABEH perpara ona sira nia dokumentu atu hatama iha KAK antes tama loron atus ida maka Ministeriu Edukasaun, Ministeriu Justisa no Sekertariu Estadu Siguransa, liu-liu Departementu Imigrasaun atu nune’e bele hetan investigasaun ne’ebe profundu”, dehan Direitur Ezekuitvu LABEH, Christopher Henry Samson, foin lalais ne’e iha servisu fatin Comoro, Dili.
Tuir relatoriu Corruption Perception Index (CPI) iha tinan 2009 nasaun ne’e identifika nudar nasaun ne’ebe buras ho korupsaun tanba tama iha kategoria 146 husi nasaun 180.
Tuir dadus ne'ebe mai husi Lalenok Ba Ema Hotu (LABEH) hatudu katak instituisaun ne’ebe indika buras liu ho mal administrasaun ka korupsaun mak hanesan Ministeriu Edukasun, Justica, Sekretariu Estado Obras publikas, Ministeriu Ekonomia Dezenvolvimentu, Sekretariu Estado Siguransa no Ministeriu Negosius Estranzeiru.
Rezultadu monitorizasun LABEH katak iha Joao Cancio nia ministeriu rasik identifika osan kuaze $. 19.000 mak lakon iha gabineti ne’ebe refere maibe laiha justifikasaun ida ne’ebe klaru.
Nune’e mos iha Sekretariu Estadu Siguransa nian liu-liu iha depatementu Imigrasun nia osan besik 145.000 mak lakon tanba elementus balun halakon resivu multa nian.
Tanba ne’e nia sujere ba KAK atu bo’ok an lalais hodi halo servisu no hatudu komitmentu hodi halo investigasaun para bele lori autor sira ne’ebe gosta hatama povu nia osan iha bolus ba iha kadeia.
ONG nasional ne’e mos promete sei kolabora servisu KAK hodi kombate korupsaun iha nasaun ne’e. (Eva Almeida, Calisto da Costa/CJITL)
.
0 comentários:
Enviar um comentário