Konstrusaun Otel Fitun 5 Tenki Para Lalais

.

Written by Calisto da Costa & Mariano-Monday, 01 March 2010

CJITL-Flash, Prezidenti Komisaun Organizadora 12 Novembru Gregorio Saldanha hateten, Konstrusaun Otel fitun 5 sei hapara lai tamba realidade ejisti restus mortais barak.

Maske Governu atual lansa ona programa konstrusaun iha Teritoriu Timor Laran tomak maibe siempre ejisti restus mortais ne'ebe sei naklekar lemo rai.

Ida ne'e fo hanoin mai ita katak ita nia Asuawain Timor oan uluk lakoi tebes atu halo ema seluk ukun ita nia Rain Oan Doben ida ne'e.

Maske estadu lansa ona atu konstrui otel fitun 5 iha Tasitolu ho montante orsamentu ne'ebe mak bo'ot, maibe husi familia Mate Restu sira ejiji katak sementara waktu hapara lai konstrusaun ne'e, no kompania ne'ebe mak atende konstrusaun ne'e mos tenki para lai hodi buka lisuk mate ruin sira ne'e, dehan Saldanha.

Prezidenti Komisaun Organizadora 12 de Novembro hanesan mos familia mate restu sujere ba estadu tomak atu hare restus mortais sira nebe hetan iha fatin refere porque ida ne'e hanesan assuntu ne'ebe prioritario no mos assuntu ne'ebe mak hein kleur ona.

Gregorio mos sujere ba estadu katak "se bele atu halo konstrusaun ruma cek uluk lai ou halo pembersihan uluk, atu nune'e bele hatudu faktus ruma iha area konstrusaun.

Iha parte seluk Koordenar husi Team Forensick Australia, Gaspar de Oliveira Sarmento wainhira dadalia ho CJITL online hateten katak Mate isin ne'ebe mak hetan husi rai kuak rua ida permeiru 7 hitu no ida seluk 2 rua, hamutuk 9 no diskunfia sei bele hetan liu tan ida ne'e maibe seidauk bele hatene numeru hira.

Nia informa liu tan katak mate ruin sira ne’e sei halo teste DNA husi Team Forensick Australia Victoria.

Ekipa forensic hamutuk 3 nai tolu ne’ebe ho naran Jhon Stemberg, Pete Douglas, ne’ebe Xefia husi Timor oan ida ho naran Gaspar de Olivera Sarmento. (Calisto & Mariano/CJITL)
.